‘ଫିଫେମ୍’ନେ ବିଚାରକ୍ ହେଲେ ଜିତେନ୍ଦ୍ର ମିଶ୍ର
ଟିଟଲାଗଡନୁ ଆନ୍ତର୍ଜାତିକ୍ କ୍ଷେତ୍ରନେ ନାଁ କର୍ଲେ ଜିତେନ୍ଦ୍ର ମିଶ୍ର
ପଶ୍ଚିମ ଓଡିଶାର୍ ଟିଟଲାଗଡ ର୍ ପୁଓ ଜିତେନ୍ଦ୍ର ମିଶ୍ର ଯିଏକି ଜଣେ ସିନେମା ନିର୍ମାତା ହିସାବେ ସାରା ଦେଶ ଆର୍ ଦେଶ୍ ବାହାରେ ନିଜର୍ ନାଁ ଆର୍ ନିଜର୍ ମାଁ ମାଏଟ୍ ର୍ ନାଁ ରଖିଛନ୍ । ସେ ଇହାଦେ ୨୪ନଂ ମୋଣ୍ଟାରିଲ୍ ଆନ୍ତର୍ଜାତିକ୍ ଶିଶୁ ଚଲଚ୍ଚିତ୍ର ମହୋତ୍ସଭ (ଏଫଆଇଏଫଇଏମ୍ )ର୍ ବିଚାର୍କ ହିସାବେ ମନୋନୀତ୍ ହେଇଛନ୍ । ପଶ୍ଚିମ୍ଓଡିଶା ର୍ ଟିଟଲାଗଡ ର ଗୁଟେ ସାଧାରଣ ପିଲା ନୁ ଗୁଟେ ସଫଲ୍ ନିର୍ଦ୍ଦେଶକ୍ ଆର୍ ଇହାଦେ ସେ ଏଫ୍ଆଇଏଫଇଏମ୍ ର୍ ବିଚାରକ୍ ହିସାବେ ମନୋନୀତ୍ ହେଇଛନ୍ । ଟିଟଲାଗଡ ମାଏଟର୍ ପୁଓ ଜିତେନ୍ଦ୍ର ମିଶ୍ର । ଜଣେ ଫିଲ୍ମ ମେକର୍ ହିସାବେ ଇହାଦେ ସେ ଦେଶ ଆର୍ ଦେଶ୍ ବାହାରେ ତାକଁର୍ ଗୁଟେ ଅଲ୍ଗା ନାଁ କରିଛନ୍ । କାନାଡାର୍ କ୍ୱିବିକ୍ନେ ହେବାର୍ କେ ଥିବାର୍ ୨୪ନଂ ମୋଣ୍ଟାରିଲ୍ ଆନ୍ତର୍ଜାତିକ୍ ଶିଶୁ ଚଲ୍ଚ୍ଚିତ୍ର ମହୋତ୍ସବ(ଏଫଆଇଏଫଇଏମ୍) ନେ ସେ ଇହାଦେ ବିଚାରକ୍ ହିସାବେ ମନୋନୀତ୍ ହେଇଛନ୍ । ଇ ମହୋତ୍ସବ୍ ନେ ସାରା ବିଶ୍ୱ ନୁ ଛଅଜନିଆ ବିଚାରକ୍ ମଣ୍ଡଳୀ ନେ ଜାଗା ପାଇଛନ୍ ସେ । ମୋଣ୍ଟାରିଲ୍ ଗ୍ରାଣ୍ଡ ଫିକ୍ସ ଆର୍ ୟୁରୋପିଆନ ଶିଶୁ ଚଳଚ୍ଚିତ୍ର ଫିଲ୍ମ ଏସୋସିଏସନ୍ ରେ ତାକଁର୍ ଗୁଟେ ଅଲ୍ଗା ଭୂମିକା ରହିଛେ । ଜିତେନ୍ଦ୍ର ‘ଦ ଲାଷ୍ଟ କଲର୍’ ଲେଖେ ଆହୁରି ବି ଅଲ୍ଗା ଅଲ୍ଗା ସିନେମା କରିଥିବାର୍ ବେଲ୍କେ । ସେ ଇଟାଲିୟାନ୍ ନି୍ର୍ଦ୍ଦେଶକ୍ ୟୁଲିସେ ଲିଣ୍ଡେର୍କଁର୍ ସାଙ୍ଗେ ମିଶିକରି ବନେଇଥିବାର୍ ଫିଲ୍ମ ‘ହ୍ୟୁମାନ୍ ଓକ’୍ ବି ଇ ମହୋତ୍ସବ ନେ ଦେଖାଯିବା । ଇ ଫିଲ୍ମ ଟା ଆଗ୍ରୁ ଗ୍ରୀସ୍ ନେ ହେଇଥିବାର୍ ୨୩ ନଂ ଅଲିମ୍ପିଆ ଫିଲ୍ମ ଫେଷ୍ଟିଭାଲ୍ ନେ ପୁରସ୍କାର୍ ପାଇଥିଲା । ତାକଁର୍ ଇ ଫିଲ୍ମ କରୋନା ସମିଆ ନେ ଅନ୍ତର୍ଜାତୀୟ ଚଲଚ୍ଚିତ୍ର ର୍ ମାନ୍ୟତା ପାଇଥିଲା । ଜିତେନ୍ଦ୍ର ମିଶ୍ର ସାରା ବିଶ୍ୱନେ ୧୧୦ ଟା ସିନେମା ର୍ ପ୍ରଯୋଜନା ଆର୍ ପ୍ରଚାର୍ ପ୍ରସାର୍ କରିକିନା ତାକେ ସବୁଆଡେ ପହଁଚେଇ ପାରିଛନ୍ । ୨୦୨୦ ନେ ତାକଁର୍ ସିନେମା ‘ଦ ଲାଷ୍ଟ କଲର୍ ‘ ଓସ୍କାର୍ ରେସ୍ ନେ ଥିବାର୍ ସାଙ୍ଗେ ୫୦ ଟା ଅନ୍ତର୍ଜାତୀୟ ଚଲଚ୍ଚିତ୍ର ଉତ୍ସବ୍ ନେ ପ୍ରଦର୍ଶିତ୍ ହେଇକରି ୫୦ଟା ପୁରସ୍କାର୍ ପାଇଥିଲା । ସେ ସମ୍ପ୍ରତି ସିଫିର୍ ଫେଷ୍ଟିଭାଲ ର୍ ନିର୍ଦ୍ଦେଶକ୍ ହେବାର୍ ସାଙ୍ଗେ ସେ ସିଆଇଏଫଇଜେର୍ ର୍ ସଭାପତି ଅଛନ୍ । ଆଜିର୍ ଯୁବ ସମାଜକେ ମାର୍ଗଦର୍ଶନ୍ କର୍ବାର୍ ସାଙ୍ଗେ ତାକଁର୍ ସିନେମା ମାନକୁଁ ସାମାଜ୍ ଲାଗି ବାର୍ତା ଦେଖ୍ବାର୍ କେ ମିଲିଥିସି ।
